மாங்காய் தொக்கு - Raw Mango Thokku

தேவையான பொருட்கள்

• 3 மாங்காய்
• 1/2 டேபிள் ஸ்பூன் வெந்தயம்
• 1 டேபிள் ஸ்பூன் மிளகாய்த்தூள்
• 1/2 டீஸ்பூன் மஞ்சள்தூள்
• 1 டீஸ்பூன் பெருங்காயத்தூள்
• சிறிய துண்டு வெல்லம்
• 1 டீஸ்பூன் கடுகு
• 1 டீஸ்பூன் உளுத்தம்பருப்பு
• 8 டேபிள் ஸ்பூன் நல்லெண்ணெய்
• கல் உப்பு தேவையான அளவு

செய்முறை

1. மாங்காயை நன்றாக கழுவி தோல் சீவிக் கொள்ளவும்.
2. அதில் 2 மாங்காய்களை கேரட் துருவியில் பொடியாக துருவிக் கொள்ளவும். 1 மாங்காயை சிப்ஸ் சீவும் கட்டையில் துருவிக் கொள்ளவும்.
3. வாணலியை அடுப்பில் வைத்து லேசாக சூடாக்கி அதில் வெந்தயத்தை சேர்த்து நன்கு வாசம் வரும் வரை வறுக்கவும். பின் ஒரு தட்டில் மாற்றி ஆறவைத்து ஒரு சிறிய மிக்ஸி ஜாரில் சேர்த்து பொடித்துக் கொள்ளவும்.
4. ஒரு கனமான கடாயில் நல்லெண்ணெய் விட்டு சூடானதும் அதில் கடுகு உளுத்தம்பருப்பு தாளித்து சீவிய மாங்காய்த்துண்டுகளை சேர்த்து நன்கு வதக்கவும்.
5. அவை சிறிது வதங்கியதும் துருவிய மாங்காயை சேர்த்து நன்கு வதக்கவும்.
6. அதோடு தேவையான அளவு உப்பு சேர்த்து நன்கு கலந்து சிறிது நேரம் எண்ணெயில் வேகவிடவும்.
7. மாங்காய் நன்கு வெந்ததும் மிளகாய்த்தூள், மஞ்சள்தூள் மற்றும் பெருங்காயத்தூள் சேர்த்து நன்கு கலந்து கொள்ளவும்.
8. மாங்காயோடு மிளகாய்த்தூள் நன்கு கலந்ததும் வெல்லம் சேர்த்து நன்கு கலந்து கிளறவும்.
9. தொக்கு நன்கு கெட்டியான பின் வறுத்து பொடித்த வெந்தயப்பொடி சேர்த்து நன்கு கலந்து இறக்கவும். நன்கு ஆறியதும் கண்ணாடி பாட்டிலில் மாற்றிக் கொள்ளவும்.

மாங்காய் தொக்கு குறிப்பினை படிப்படியாக பட விளக்கத்தோடு காண கீழே இருக்கும் லிங்க் மேலே கிளிக் செய்யவும்.

மாங்காய் தொக்கு பட விளக்கம்