வெஜிடபிள் பிரியாணி - ஈஸி வெஜிடபிள் பிரியாணி - Vegetable Biryani

குழந்தைகளுக்கு விடுமுறை நாட்களில் இந்த சுலபமான வெஜிடபிள் பிரியாணியை செய்து கொடுங்கள். பழைய பாஸ்மதி அரிசியை வைத்து செய்தால் 1 பங்கு அரிசிக்கு 2 பங்கு தண்ணீர் ஊற்றி வேகவிடவும். எந்த வகையான பிரியாணி அல்லது புலவ்விற்கு வீட்டில் ஃப்ரெஷ்ஷாக அரைக்கும் இஞ்சி பூண்டு விழுது வைத்து செய்தால் மணமாகவும் ருசியாகவும் இருக்கும்.

தேவையான பொருட்கள்

• 1 கப் பாஸ்மதி அரிசி
• 15 பூண்டு பற்கள்
• சிறிய துண்டு இஞ்சி
• 1 கேரட்
• 7 பீன்ஸ்
• 1 உருளைக்கிழங்கு
• 7 காலிஃப்ளவர் பூக்கள்
• 1/4 கப் பச்சை பட்டாணி
• 1 வெங்காயம்
• 2 பச்சை மிளகாய்
• 2 தக்காளி
• 1/4 கப் கொத்தமல்லி இலை
• 1/4 கப் புதினா
• 2 டேபிள் ஸ்பூன் கெட்டியான தயிர்
• 2 டீஸ்பூன் பிரியாணி மசாலா தூள்
• 1 எலுமிச்சை பழம்
• 1 பிரியாணி இலை
• 2 சிறிய துண்டு பட்டை
• 5 கிராம்பு
• 4 ஏலக்காய்
• சிறிது கல்பாசி
• 2 அன்னாசிப்பூ
• 2 டேபிள் நெய்
• 2 டேபிள் ஸ்பூன் எண்ணெய்
• உப்பு தேவையான அளவு

செய்முறை

1. ஒரு அகலமான பாத்திரத்தில் பாஸ்மதி அரிசியை சேர்த்து நன்கு கழுவிக் கொள்ளவும். பின் 1 கப் தண்ணீர் ஊற்றி 20 நிமிடங்கள் ஊறவைத்துக் கொள்ளவும். 20 நிமிடங்களுக்கு பின் தண்ணீரை முழுவதும் வடித்து வைக்கவும்.
2. காய்கறிகளை விருப்பமான வடிவில் நறுக்கிக் கொள்ளவும்.
3. ஒரு சிறிய சட்னி ஜாரில் பூண்டு பற்கள் மற்றும் இஞ்சி சேர்த்து சிறிது தண்ணீர் விட்டு நன்கு அரைத்துக் கொள்ளவும்.
4. ஒரு அகலமான கனமான கடாயில் எண்ணெய் மற்றும் நெய் விட்டு சூடானதும் பிரியாணி இலை, பட்டை, கிராம்பு, அன்னாசிப்பூ, கல்பாசி சேர்த்து வாசம் வரும் வரை வறுத்து கொள்ளவும்.
5. பின் நீளமாக நறுக்கிய வெங்காயம் சேர்த்து பொன்னிறமாகும் வரை வதக்கவும்.
6. பின் இஞ்சி பூண்டு விழுது மற்றும் பச்சை மிளகாய் சேர்த்து நன்கு பச்சை வாசனை போகும் வரை வதக்கவும்.
7. பின் நறுக்கிய கேரட், பீன்ஸ், பச்சை பட்டாணி, காலிஃப்ளவர் பூக்கள் சேர்த்து சிறிது நேரம் வதக்கவும்.
8. பின் நறுக்கிய தக்காளி சேர்த்து வதக்கவும்.
9. தக்காளி வதங்கியதும் புதினா மற்றும் கொத்தமல்லி இலை சேர்த்து நன்கு வதக்கவும்.
10. அவை நன்கு வதங்கியதும் பிரியாணி மசாலா பொடி சேர்த்து காய்கறிகளோடு நன்கு கலந்து கொள்ளவும். பின் கெட்டித் தயிர் சேர்த்து நன்கு கலந்து கொள்ளவும்.
11. பின் 2 கப் தண்ணீர் மற்றும் தேவையான அளவு உப்பு சேர்த்து நன்கு கலந்து கொள்ளவும்.
12. காய்கறிகள் சிறிது வேகும் வரை மூடிப் போட்டு வேகவிடவும்.
13. பின் இந்த கலவையை மெதுவாக பிரஷர் குக்கர்க்கு மாற்றி மூடிப்போட்டு சிறிய தீயில் 10 - 15 நிமிடங்கள் வைக்கவும். 15 நிமிடங்களுக்கு பின் குக்கரை திறந்து எலுமிச்சை சாறு சேர்த்து சிறிது நெய் விட்டு மெதுவாக கிளறி பரிமாறும் பாத்திரத்தில் மாற்றி மூடிப்போட்டு வைக்கவும். தயிர் வெங்காயம் வைத்து பரிமாறவும்.

வெஜிடபிள் பிரியாணி செய்முறையை படிப்படியாக பட விளக்கத்தோடு காண கீழே இருக்கும் லிங்க் மேலே கிளிக் செய்யவும்.

வெஜிடபிள் பிரியாணி