ப்ரோக்கோலியை வைத்து சுவையான ஹோட்டல் ஸ்டைல் மசாலா. ப்ரோக்கோலியை அரைவேக்காடு வேகவைத்து அல்லது பச்சையாக சாப்பிட்டால் அதன் சத்துக்கள் முழுவதும் கிடைக்கும். இதில் ப்ரோக்கோலிக்கு பதில் காளான் வைத்து செய்யலாம்.
தேவையான பொருட்கள்
- 1 சிறிய ப்ரோக்கோலி
- 1 வெங்காயம்
- 1/2 டீஸ்பூன் இஞ்சி பூண்டு விழுது
- 1/4 டீஸ்பூன் சீரகம்
- 3/4 டீஸ்பூன் மிளகாய்த்தூள்
- 1/4 டீஸ்பூன் மஞ்சள்தூள்
- 1 டீஸ்பூன் கரம் மசாலா தூள்
- 1 டீஸ்பூன் சர்க்கரை
- 2 டேபிள் ஸ்பூன் ஃபரஷ் கிரீம்
- 2 டேபிள் ஸ்பூன் எண்ணெய்
- உப்பு
அரைக்க
- 2 வெங்காயம்
- 2 தக்காளி
- 10 பாதாம்
செய்முறை
1. ஒரு சிறிய குக்கரில் 2 வெங்காயம், 2 தக்காளி, பாதாம் சேர்க்கவும். 1 கப் தண்ணீர் விட்டு 1 விசில் வந்ததும் இறக்கவும்.
2. பெரிய பாத்திரத்தில் 2 கப் தண்ணீர் சேர்த்து கொதிக்க விடவும். பின் அதில் ப்ரோக்கோலி பூக்களை போட்டு மூடி வைக்கவும்.
பின் அதில் ஐஸ் கட்டிகள் போட்டு குளிர விடவும். 5 நிமிடங்கள் கழித்து தண்ணீரை வடிகட்டவும்.
3. வேகவைத்த வெங்காயம், தக்காளி, பாதாம் பருப்பு சேர்த்து மிக்ஸியில் நைஸாக அரைக்கவும்.
4. கடாயில் எண்ணெய் விட்டு சூடானதும் சீரகம் போட்டு பொரிந்ததும், பொடியாக நறுக்கிய வெங்காயம் போட்டு வதக்கவும். குறைந்த தீயில் வைத்து வதக்கவும். வெங்காயம் பொன்னிறமாக மாறியதும், இஞ்சி பூண்டு விழுது சேர்த்து வதக்கவும்.
5. பின் அரைத்த விழுதை போட்டு வதக்கவும். 2 நிமிடங்கள் வதக்கிய பின்னர் 2 கப் தண்ணீர் விட்டு கொதிக்க விடவும். சிறிது கொதித்த பின் மஞ்சள் தூள், மிளகாய் தூள் மற்றும் தனியா தூள் சேர்த்து கிளறவும்.
6. பின் ப்ரோக்கோலி பூக்களை சேர்த்து கிளறவும். தேவையான உப்பு சேர்த்து மிதமான தீயில் கொதிக்க விடவும்.
7. பின் கஸுரி மேத்தி இலைகள், சீனி, ஃப்ரெஷ் கிரீம் மற்றும் 1/2 கப் தண்ணீர் விட்டு 10 - 15 நிமிடங்கள் கொதிக்க வைத்து இறக்கவும். மசாலா வின் மேலே எண்ணெய் மிதக்கும் வரை கொதிக்க வைத்தால் போதும். சுவையான ப்ரோக்கோலி மசாலா தயார். ரொட்டி, புலவ், நாண் போன்ற உணவு வகைகளுக்கு சூப்பரான ஸைடு டிஷ்.
Comments
Post a Comment